LAOAG CITY – Suportado ti Department of Health (DOH) ti Magna Carta para kadagiti Barangay Health Workers ditoy pagilian.
Daytoy ket kagiddan iti panangaprobar ti Senate Committee iti gakat, nangipeksa ti ahensia ti kinasagana iti panangipay ti suporta kadagiti Barangay Health Workers iti babaen ti panangikeddeng kadagiti pagannurotan para kadagiti training, accreditation ken integrasion iti primary care networks.
Basar iti Department of Health, saan laeng a mangipaay ti pammigbig iti serbisio dagiti Barangay Health Workers no diket maipasigurado pay ti naikalintegan a sueldo no daytoy ket agbalin a linteg.
Malaksid pay iti daytoy ti panangipasigurado iti seguridad iti trabaho ken access iti maiyannatio a panagsanay para kadakuada.
Karaman ti suportado ti ahensia iti daytoy a gakat ti Health Executive Agenda for Legislation (HEAL) ti ahensia gapu iti dakkel nga akem ti Barangay Health Workers iti serbisio pangkomunidad a maiyataday iti gagem ti Universal Health Care Act.
