LAOAG CITY – Dimmayyeg ti magnitude 5.8 a gingined ditoy probinsya.
Segun ti Phivolcs, nairekord ti sentro ti gingined iti ili ti Pagudpud ken addaan daytoy ti kauneg a 8 a kilometro.
Narikna ti intensity 4 idiay Claveria, Cagayan idinto nga intensity 3 iti ili ti Pasuquin ken intensity 3 idiay Sinait ken Vigan, Ilocos sur.
Naamoan a ti nasao a gingined ket tectonic in origin.
Awan ti nairekord a nasaktan wenno nasugatan iti napasamak nga insidente ngem nangitunda daytoy iti nakaro a buteng dagiti residente ditoy probinsya.
