LAOAG CITY – Kinasapulan pay ti overtime tapno naan-anay a maabak ti Magnolia Hotshots Timplados ti NLEX Road Warriors 99-95 iti agtultuloy a PBA Commissioner’s Cup.
Inbatad ni Magnolia head coach Chito Victolero a saanda dagus a simmuko isu a dimmanonda ti overtime ti ay-ayam.
Inlawlawagna nga uray pay addada iti nababa iti ranking iti torneo ket saanda pay a maudi iti laban isu nga inaramidda ti kabaelanda tapno makontrol ti ay-ayam.
Indauloan iti panagballigi ti Magnolia ni Ricardo Ratcliffe a nakagun-od ti 38 points ken 19 rebounds idinto nga addaan ti 14 points ni Zavier Lucero, 13 points ken ni Jeron Lastimosa ken 12 points ken ni Mark Barroca.
