LAOAG CITY – Saan a nagbalin a lapped ti Magnolia Hot Shots ti kinaawanda ti import tapno abaken ti NorthPort 110-94 iti agtultuloy a PBA Governors’ Cup.
Bimmida iti panangabak ti Hotshots ni Aris Dionisio a nakairekord ti career high a 30 points iti ay-ayam a naiyuswat iti Ninoy Aquino Stadium.
Addan ti lima a panangabak ken uppat a pannakaabak ti Hotshots tapno makastrek iti playoffs iti Group A no sadinno agpada dagitoyen ti standing ti Converge para iti maikatlo a puesto.
Ibilang ni Magnolia coach Chito Victolero a napateg ti nasao a balligida kontra iti Batang Pier.
