LAOAG CITY – Nagballigi dagiti kameng ti Philippine National Police a nangarestar ti maibilang kas Top 5 wanted person ditoy ciudad ti Laoag.
Nabigbig ti akusado a ni Roberto Sampaga Valenzuela alyas “Robert”, agtawen ti 45, naasawaan, construction worker ken residente iti Brgy. 2, Sta. Joaquina ditoy ciudad.
Naarestar ti akusado babaen ti warrant of arrest nga inparuk-at ni Presiding Judge Nida Bringas Alejandro ti Regional Trial Court Branch 12 ditoy ciudad ti Laoag gapu iti panaglabsing na iti Article 249 wenno Homicide.
Nairekomendar ti 120 ribo a pisos a piyansa ti akusado para iti temporaryo a pannakawaya-waya na.
