LAOAG CITY – Nakairekord manen ti probinsya ti baro a kaso ti covid-19 ita nga aldaw, oktubre 13.
Ni IN-C125 ket agtawen ti 45 a lalaki, kameng ti Philippine National Police (PNP) ken residente iti Barangay San Pedro iti ili ti Vintar.
Iti statement nga inparuk-at ni Governor Matthew Marcos-Manotoc, ni IN-C125 ket awan ti marikrikna na a sintomas ti virus ken saan pay a nadeterminar no nakaalaan na ti nasao a virus.
Awan met ti travel history ti pasyente ken iti agdama ket naka-isolate daytoy.
Kabayatanna, inpakaammo ni Provincial Director Pol. Col. Christopher Abrahano nga adda ti team manipod iti Ilocos Norte Police Provincial Office wenno INPPO nga inpatulod na a mangimando pay laeng iti ili ti Vintar kabayatan a naka-lockdown ti kwerpo ti pulisya iti nasao nga ili.
