LAOAG CITY – Nairekord ti maika-186 a kaso ti COVID-19 ditoy probinsya kangrunaan iti Sitio Dungtal, Brgy. 23 San Matias ditoy siudad ti Laoag.
Segun iti gobyerno probinsyal, nakapulapol ni IN-C186 ti pasyente a ni IN-C161, baket nga agtawen ti 70, residente iti nasao a lugar, symptomatic ken nakapulapol na met ni IN-145. lalaki agtawen ti 56.
Immunan a nakapulapol met ni IN-145 ti ambulant vendor a ni IN-C134.
Inbatad ni gobyerno probinsyal a ni IN-C186 ket symptomatic ket naadmit daytoy.
Gapu iti baro a kaso, umaboten iti 53 ti active cases, 131 recoveries ken nagtalinaed a dua dagiti pimmusay.
