LAOAG CITY – Nairekord ti maika-34 a kaso ti covid-19 ditoy Ilocos Norte ita nga aldaw, Agosto 19 ita a tawen.
Ni IN-C34 ket agtawen ti 27 a lalaki, APOR wenno Authorized Persons Outside Residence ken taga Barangay Barit ditoy ciudad ti Laoag.
Naamoan a ti nasao a pasyente ket nagpasar ti sumagmamano a sintomas ti coronavirus kas ti panaguyek, naglammin ken saan a makaangot iti aniaman a banag.
Naggapo ti nasao a pasyente idiay Caloocan City, Metro Manila.
Iti agdama, saan pay a masinunuo no sadinno ti nakaadmitan ti pasyente, no iti ospital wenno iti maysa kadagiti quarantine facility ditoy ciudad.
