LAOAG CITY – Naselebraran ti maika-57 a charter day ditoy siudad ti Laoag ita nga aldaw babaen iti panangidaulo ni Mayor Marcos Keon.
Daytoy ket kangrunaan nga inatendaran ni Gov. Matthe Marcos Manotoc, dagiti konsehal iti siudad, kameng ti pulisya, dagiti heads iti nagduduma a departamento iti local a gobierno pakairamanan dagiti barangay chairmen.
Iti panagbitla ni Mayor Keon kabayatan ti naiyuswat a programa, kuna na a kangrunaan a maselebraran iti charter day ket panangbigbig iti naaramidan dagiti opisyal ken mangidadaulo iti nagduduma a barangay ditoy siudad.
Mainaig iti daytoy, kuna ni Keon a ti takem dagiti napili nga agserbi iti pagilian kangrunaan ditoy siudad ti Laoag ket dagitoy ti agserbi para iti komunidad.
Nu pay kasta, inpetteng na a nasken ti panagkakaysa ti punliko tapno ad-adda a dumur-as ti siudad.
Kabayatanna, malaksid iti charter day anniversary ket naselebraran pay ita nga aldaw ditoy siudad ti Laoag ti maikadua a tawen ti marunggay festival.
