LAOAG CITY – Negatibo ti resulta ti swab test ti maikadua a bansada dagiti kameng ti Philippine National Police a naipadalan iti COVID-19 testing.
Daytoy ti inpannakkel ni Police Major Lauro Milan, mangidadaulo iti Provincial Administrative Resource Management Unit iti Ilocos Norte Police Provincial Office.
Kuna na nga iti kada lawas iti pannakaipadalan iti swab test dagiti kameng ti PNP tapno saan a maapektaran ti trabaho dagitoy a mangipaay ti linak urnos ken talna ditoy probinsya.
Segun kenni Milan, umabot iti 1,092 ti bilang dagiti kameng ti PNP agraman dagiti non-uniformed personnel ditoy probinsya.
Manamnama a maipadalan amin dagiti maseknan iti RT-PCR test intono matapugan ti bulan ti Abril.
Nagnegatibo met amin iti swab test ti immuna a bansada dagiti pannakabagi ti linteg.
