LAOAG CITY – Umabot iti 1,760,000 a pisos ti naipaay nga “extraction fee” kadagiti maapektaran iti Bislak River Restoration Project.
Dagiti nakaawat ket manipud kadagiti 30 a barangay nga apektado iti dredging activity ti gobierno probinsyal.
Segun iti Provincial Government of Ilocos Norte, 1,185,000 a pisos ti naited kadagiti 14 a baranagay iti ili ti Vintar idinto a nasurok 574,000 a pisos kadagiti 16 a barangay iti ili ti Bacarra.
Malaksid iti naipaay kadagiti barangay, adda naawat a gatad dagiti lokal a gobierno, 900,000 a pisos iti lokal a gobierno ti Vintar ken 430,000 a pisos iti Bacarra.
Daytoy a budget transparency ket mangipasimudaag ti nalawag a pakausaren ti budget maipapan iti nasao a proyekto.
Kabayatanna, gagem ti dredging activity a malapdan ti nakaru nga epekto no adda dagiti sumangbay a bagyo wenno nakaru a tudo.
