LAOAG CITY – Manarimaan nga agsagsagana ti House prosecution panel para iti maikadua a lawas ti kaso kontra ken ni Vice President Sara Duterte no sadinno a manamnama ti adado pay a witness a maidasar iti impeachment trial kontra kenkuana.
Iti maysa a panagtaripnong, inbatad ni House Prosecutors Representatives Leila de Lima ken Chel Diokno a ti sumarsaruno nga aldaw ket adadda pay nga agbalin nga ‘intense phsase’ iti panangusig.
Kuna ni de Lima a dagiti witness ket pakairamanan isuda NBI Regional Director Atty. Jeremy Lotoc, House of Representatives Office of the Sergeant-at-Arms Legislative Security Bureau Executive Director Captain Belinda Bello, ken NBI Director Jaime Matibag.
Innayonna a naisiyuan pay ti subpoena ti Office of the Vice President (OVP) Chief of Staff Atty. Zuleika Lopez.
Kabayatanna, addaan ti 11 nga aldaw tapno maidasar ti kaso ti Article IV no sadinno nga inpangta ti Bise Presidente ti biag ni Presidente Ferdinand Marcos Jr., First Lady Liza Araneta-Marcos, ken ni dati a House Speaker Martin Romualdez.
