LAOAG CITY – Sumango ti sabali manen nga impeachment complaint iti kamara de representantes ni Vice President Sara Duterte.
Nasurok a 70 nga indibidual manipod iti nagduduma a sektor ti nagpila iti maikadwa nga impeachment complaint kontra ken ni Duterte.
Ti nasao a reklamo ket inyendorsar da House Deputy Minority Leader and ACT Teachers party-list Representative France Castro, Gabriela Women’s Partylist Representative Arlene Brosas, ken Kabataan Party-list Representative Raoul Manuel.
Naamoan a kaadoan kadagiti complainants ket miembro ti Bayan Muna, the Alliance of Concerned Teachers, Kabataan Party-list, Gabriela Women’s Party, Rise Up for Life and Rights, Kilusang Mayo Uno, Kilusang Magbubukid ng Pilipinas, Bagong Alyansang Makabayan, Karapatan, Piston, other progressive groups, ken student leaders.
Nailanad iti reklamo dagiti complainants a ginuliban ni Duterte ti panagtalek ti publiko babaen ti panangabuso na ti panagturay na gapu iti saan a mailawlawag a pannakabusbos ti confidential funds iti Office of the Vice President.
