LAOAG CITY – Kinumpirmaran ti gobyerno probinsyal a nairekord ti maikanem a pimmusay gapu iti COVID-19 idinto a naimaldit pay ti 19 a baro a kaso iti COVID-19.
Ti pimmusay ket ni IN-859, baket nga agtawen ti 61 ken residente iti Brgy. 17 iti siudad ti Batac.
Manipud kadagiti baro a kaso ket walo dagiti residente iti ili ti Currimao nga isuda IN-C971, lalaki, agtawen ti 28, LSI manipud Quezon City, symptomatic, residente iti Brgy. Tapao Tigue; IN-C974, lalaki, agtawen ti pito; IN-C975, babai, agtawen ti innem; IN-C976, lalaki, agtawen ti 34; IN-C977, lalaki, agtawen ti 37; IN-C978, babai, agtawen ti 53; IN-C980, babai, agtawen ti 14, agpapada a residente iti Brgy. Torre ken agpapada nga LSI manipud iti Caloocan City kenni IN-C979, babai, agtawen ti 57, LSI manipud iti Caloocan City ken residente iti Brgy. Poblacion 1 iti nasao nga ili.
Adda met iti tallo a kaso iti siudad ti Batac nga isuda IN-C968, lalaki, agtawen ti 55; IN-C969, babai, agtawen ti 49, agpada nga LSI manipud Isabela, ken agpada a residente iti Brgy. Tabug kenni IN-C970, babai agtawen ti 51, LSI manipud iti Cainta Rizal, ken residente iti Brgy. Barani.
Nairekord met iti dua a kaso ditoy siudad ti Laoag a da IN-C972, lalaki, agtawen ti 36, LSI manipud Pampanga, ken residente iti Brgy. 49 Raraburan kenni IN-C973, lalaki, agtawen ti 23 ken residente iti Brgy 20, San Miguel iti nasao a siudad.
Maysa met iti baro a kaso iti ili ti Pasuquin a ni IN-C981, lalaki agtawen ti 35, LSI manipud Manila ken residente iti Brgy. Poblacion 3 iti nasao nga ili.
Amin a 14 a baro a kaso ket agpapada nga asymptomatic ken nakaisolate dagitoy.
Immunan nga inrakurak ti gobyerno probinsyal dagiti lima pay a kaso iti parbangon idi kalman, Marso 23 manipud kenni IN-C963 agingga kenni IN-967.
Kabayatanna, nairekord met iti uppat a nalaingan manipud iti makapatay a virus.
Gapu iti daytoy, umaboten iti 783 dagiti recoveries idinto a 192 dagiti aktibo a kaso kalpasan a nairekord dagiti baro a kaso ken innem dagiti pimmusay.
Kaaduan iti active cases iti COVID-19 ket iti ili ti Solsona nga addaan iti 63 nga active cases, sumaruno iti Pagudpud nga addaan iti 39 nga aktibo a kaso ken agpada met a 20 nga aktibo a kaso iti siudad ti Batac ken ditoy siudad ti Laoag, basar iti rekord ti gobyerno probinsyal.
