LAOAG CITY – Inbatad ni Doctor Alan Taylan a dakkel ti risgo iti salun-at ti maysa a tao no makaipauneg ti nangato a lebel ti lead, cadmium ken arsenic.
Inlawlawag na a no makakonsumo ti ado a lead, cadmium ken arsenic ket mabalin a madadael ti dalem, kidney ken dadduma pay a paset ti bagi.
Segun ken ni Taylan, dagiti sintomas a mabalin a mapasaran ket ti alisto a mabannog, agsaksakit ti ulo, agsakit ti buksit ken dadduma pay.
Innayon na a mabalin pay a maaddaan ti problema ti dara ti maysa a tao a makakonsumo ti nangato a lebel ti lead, cadmium ken arsenic.
Inpakaammo na a maamoan daytoy a prblema iti bagi babaen ti pannakaeksamen ti dara ti pasyente.
Immun-una iti daytoy, nagballaag ti ecowaste coalition kontra kadagiti mailaklako a lipstick iti online iti nalaka a balor gapu ta rumrumuar addaan dagitoy ti nangato a lebel ti lead, arsenic ken cadmium a makadadael iti salun-at ti maysa a tao.
