LAOAG CITY – Saan pay a makumpirmaran dagiti otoridad no granada wenno pagpabettak ti nakita iti imburnal iti likod a paset ti merkado publiko iti ili ti San Nicolas.
Ti inisyal nga impormasyon a nakalap ti Bombo Radyo Laoag, adda ti residente a nagreport iti PNP iti maipagarop a pagpabettak a nakita iti mismo a kanal.
Kadua ti EOD team ti K9 dog a mangsuksukimat iti nasao a lugar tapno makumpirmaran no pagpabettak daytoy wenno saan.
Para iti kinatalged ti publiko ket pinaadayo dagiti otoridad ti publiko ken nakordonan metten ti lugar.
Naamoan nga adda met ti CCTV ken isunto ti ireview ti PNP, apaman a makumpirmaran no pudno a pagpabettak ti nakita.
