LAOAG CITY – Nagballigi dagiti otoridd a nangtiliw iti maysa a lalaki iti naiyuswat a drug buy-bust operation iti paset ti Barangay 2 ditoy ciudad ti Laoag.
Nabigbig ti subject ti operasyon a ni Mr. Aldrich Anthony Rivera, addaan iti umno a tawen, agtrabtrabaho iti paglakwan ti motorsiklo ken residente iti Barangay 51, Nangalisan ditoy ciudad.
Kinemmeg a dagus dagiti otoridad ti suspek kalpasan a naglako ti maysa a sachet a naglaon ti maipagarop a shabu iti maysa a pulis a nagpammarang a poseur-buyer.
Iti pannakakapkap ti suspek ket nakakumpiskar pay dagiti otoridad ti maysa a sachet a naglaon ti maipagarop a shabu ken Iti pannakakapkap ti suspek ket nakakumpiskar pay dagiti otoridad ti maysa a sachet a naglaon ti maipagarop a shabu ken maysa nga homemade caliber 38 revolver, 2 ribo a pisos a nausar iti operasyon, sangaribo a pisos a personal a kwarta ni Rivera ken uppat a bala.
Kabayatanna, inbatad ni Police Major Carlo Abing, ti deputy chief of police ditoy ciudad ti Laoag a ti subject ti operasyon ket surenderee da idi 2018 ngem iti agtultuloy a panagmonitor da ket naduktalan a nagsubli manen iti illegal nga aktibidad na.
Innayon na nga uray dagiti immunan a natiliw da ket intudo da ni Rivera a karaman iti nasao nga illegal nga aktibidad.
Innayon na nga iti monitoring da ket maibilang ni Rivera nga High Value Target gapu ta saan laeng a ditoy ciudad ti Laoag ti paglaklakoan na ti illegal a droga na no di ket iti intero a probinsya.
Ginandat ti Bombo Radyo Laoag nga alaen ti kabibiangan ni Rivera ngem nagkedked a nagsarita.
