LAOAG CITY – Inlawlawag ni Mr. Bonifacio Blas iti Barangay Parut iti ili ti Vintar ti naipadanon a reklamo iti Bombo Radyo seknan iti maipagarop a nabangsit nga angot ti pagtarkanan na ti baboy.
Segun kenni Blas, nabayagen a bimmasit dagiti tartaraknen na a baboy ken iti dayta a panawen ket adda ti lisensya na nga agtaraken.
Nupay kasta, kunana nga iti agdama ket awanen ti lisensya na gapo ta saan unayen nga ado dagiti taraken na a baboy.
Inalwlawag na a dagiti rugit ti taraken na ket maakop ken maikabil iti sako ken dati nga adda ti septic tank da.
Naamoan iti Bombo Radyo nga adda ti tallo a pangganakan a baboy, ado a buryas ken sumagmamano a panakkelen a baboy.
Innayon na a ti ubong ti baboy a taraken na ket adda iti abay ti balay da isut gapo na nga uray iti rabii no adda ti oras na ket mapan na dalusan ti pagtaraknan na ti baboy.
