LAOAG CITY – Inadmitir ti maitudtudo nga illegal recruiter a ni Kathleen Mae Acob Damo, taga Barangay Bacsil, Bangui, Ilocos Norte ngem agtrab-trabaho iti agdama idiay Taiwan a nagkamali.
Daytoy ket mainaig ti maipagarop a pinagsingir na ti placement fee kadagiti rinec-recruit na idinto a saan da met a nakapan nagtrabaho idiay Taiwan.
Inpasingked ni Damo nga isubli na amin dagiti naala na a kwarta manipod kadagiti maseknan ngem saanna a mapaggigiddan dagitoy.
Inlawlawag na a mangted iti kada bolan isut gapuna a saan koman nga agpopost dagiti maseknan iti social media kangrunaan na iti facebook.
Inbatad na pay a ti kasakit ti nakem na ket ti panangiramraman pay dagiti maseknan iti anak na.
Immuna ti daytoy, nagreklamo iti Bombo Radyo dagiti maipagarop a nagbalin a biktima ni Damo.
