LAOAG CITY – Naglikudan ni Barangay Chairman Rollet Velasco, iti Brgy. Madupayas iti ili ti Badoc ti nagwaras nga impormasyon seknan ti pimmusay a pasyente a nagsagaba ti cancer ken immunann a naipadalan iti operasyon ken maiagarup a ti maysa kadagiti nagasistir iti operasyon ket ni IN-C22 a taga Brgy. Mabusag Norte
Inpetteng na nga awan ti kinapudno ti nasao nga impormasyon gapu ta saan a nakaduty ti IN-C22 basar kadagiti doktor iti Mariano Marcos Memorial Hospital and Medical Center iti siudad ti Batac.
Kuna ni Velasco a ti pasyente ti cancer ken nagtalinaed iti annex building ti ospital idinto a ti nurse kert nangigiyan iti sabali a sector.
Kabayatanna, naiquarantine ti kabagyan ti maseknan kas panagsigurado laeng para ti naan-anay a malappedan ti panagwaras ti nasao a virus.
Innayon ni Velasco a saan kuma nga agamak dagiti kabarangayan da gapu ta kanayun iti panagmionitor da.
No adda ti kasapulan ti nagpasina a pamilya ket isuda mismo nga ospiyal ti mapan aggatang.
