LAOAG CITY – Naglikudan ni Dr. Sheryl Racelis, iti MMMH & MC a nadadael ti RT-PCR Machine.
Kuna na nga adda ti agserbi a gene expert ken dua ti RT-PCR machine da nga indonar ti gobyerno probinsyal, ken Department of Health.
Kabayatanna, umabot iti 160 agingga iti 200 a resulta ti maiparuk-at da iti maysa nga aldaw.
Inbatad na nga itay napan a lawas a kellaat ti panagngato ti kaso ti COVID-19 ditoy probinsya kasta met iti Ilocos Sur ken nakaawat da iti 300 agingga iti 400 a swab test iti kada aldaw.
Maiprayoridad a maipadalan iti swab test dagiti tattao nga addaan iti sintomas ken maud-udi dagiti awanan ti sintomas ti COVID-19.
Mapatta-patta nga umabot iti 600 a backlog ket manamnama a malpas da iti uneg ti tallo nga aldaw.
Inlawlawag na a malaksid iti daytoy ket nagiyuswat da pay ti contact tracing kadagiti health workers iti ospital gapu ta nakapulapol da dagiti sumagmamano a nagpositibo a naipan iti ospital.
Segun kenni Dr. Racelis, dagitoy dagiti rason a nabayag a maiparuk-at dagiti resulta ti swab test.
Innayon ni Racelis a kalpasan ti maysa a bansada ti swab tesing ket madecontaminate ti laboratoryo kas maysa a safety procedure.
Mainaig iti daytoy, saan a mabalin nga agturong iti ospital dagiti contact traced a tattao imbes ket nakaquarantine da a danunen met dagiti health authorities.
Adda met ti appointment system da babaen iti facebook page para kadagiti agwalk-in patients gapu ta saan da nga agawat no awanan ti appointment.
Mailanad iti appointment ti gagem da no apay a kayat da ti dumalan iti swab test.
Mabalin pay a maikoordinar da iti municipal health office.
