LAOAG CITY – Inlawlawag ni Barangay Chairman Alexander Asuncion iti Brgy. 18 iti ili ti Bacarra a saan da nga inikkan ti kandado ti ridaw ti pagtaengan ti maysa a pamilya.
Daytoy ket mainaig ti report nga inkandado da ti pagtaengan ti maseknan a pamilya kalpasan nga adda ti naexpose a miembro kenni kenni IN-C722, utility worker, a residente iti ili ti Sarrat kalpasan a napan iti Isolation Unit ditoy siudad ti Laoag.
Segun kenni Asuncion, ti ina ti pamilya ti nangipan ti kandado iti ridaw ti pagtaengan da.
Inadmitir na a ti inikkan da ti kandado ket iti ruwar ti pagtaengan wenno iti gate.
Naglikudan ni Asuncion nga adda ti inpan da a kawar iti ruwar ti pagtaengan ngem ketdi ti maseknan a pamilya ti nangipan ti kawar iti mismo a pagtaengan.
Mainaig iti daytoy, tinawagan ni Asuncion ti nurse iti Municipal Health Unit nga agnagan ti Suerte ken ti naibalakad kenkuana ket bantayan ti pamilya ken masapul a malimitaran ti garaw dagiti maseknan.
Kuna na nga idi napan da iti nasao a lugar ket nakita da nga ikikkan ti ina ti pamilya iti kandado ti pagtaengan da.
Inbunannag na a pinaikkat ti manugang ti nasao a pamilya ti inpan da a paglinungan gapu ta ibilang na a madiscriminate dagitoy.
Innayon ni Asuncion nga agamak da no bilang agsursur ti mother-in-law iti maseknan a pamilya ket isuda met laeng iti kakaasi no bilang adda ti agpositibo.
