LAOAG CITY – Naiget a naglikudan ni Brgy. Chairman Markus Rubio iti Brgy. Camaga iti ili ti Badoc ni akusasyon a maipagarup nga ipalubos ti panagsusugal iti maysa a minatayan iti barangay da.
Segun ken ni Rubio, kanayun a mapan iti minatayan ken awan met dagiti makita na nga agsusugal.
Inbatad na nga uray dagiti tanod a mapan agbantay ket awan ti maidandanon da kenkuana seknan kadagiti maipagarup nga agsusugal.
Inppeteng ni kapitan Rubio nga agtultulnog iti kanayun a ballaag ti hepe ti PNP-Badoc a ni PCapt. Joseph seknan iti pannakaipawil ti panagsusugal.
Kuna na a posible nga adda ti sakit ti nakem dagiti nagreklamo kenkuana.
Kabayatanna, inadmitir na nga aginom ti nasanger iti kada malem bayat ti panaginana na.
Immunan nga adda ti naipadanon a reklamo iti Bombo Radyo seknan iti maipagarup a panangipalubos ni Rubio ti panagsusugal iti maysa a minatayan ken maipagarup a kanayun pay a nakainom ti nasanger daytoy.
