LAOAG CITY – Inlawlawag ni Mrs. Josephine Balbas, election officer iti siudad ti Batac ti maipagarup a saan a pannakaakomodar ti maysa a botante nga agparehistro.
Segun ken ni Balbas, iti tunggal quarter ket masapol a dumalan iti konsolidasyon ti aplikasyon dagiti nagrehistro a bontante.
Gapu iti daytoy, kuna na nga idi Huwebes ket nagturong da ditoy siudad ken ti mismo nga IT ti nangiproseso ti nasao a banag.
Inbatad na nga intugot da ti sibubukel a computer system rason nga awan ti nausar iti opisina da iti isudad ti Batac.
Kuna na a gapu iti kaawan ti computer ket inbalakadna kadagiti job order a nu bilang adda ti agturong iti opisinada nga agparehistro ket mabalakadan nga agsubli iti malem ti biernes kasta pay dagiti dumawat ti voter’s certification.
Immuna iti daytoy, inbatad ni Balbas a saan laeng a ti comelec Batac ti inasikaso ti IT da rason a saan a kaskarina ti nagbalin a konsolidasyon.
Kabayatanna, patien ni Balbas a ti pannakaiyalud-od ti voter’s registration ket ad-adda nga isu ti konsolidasyon kadagiti botante a nagrehistro.
Nu pay kasta, kuna na a nasurok a 70 ti agrehistro iti siudad ti Batac iti kada aldaw.
Inbatad na a dakkel a nayun daytoy iti bilang dagiti botante para iti nasao a siudad para iti 2022 elections.
