LAOAG CITY – Kinumpirmaran ni Dr. Melvin Manuel, ti mangidadaulo ti CDRMMO ditoy siudad ti Laoag nga adda ti naduktalan a maipagarup a vintage bomb iti Brgy. Zamboanga ditoy siudad.
Kuna ni Manuel a ti maipagarup a bomba ket nabatok dagiti manggalap iti karayan a sakop ti nasao a barangay.
Inlawlawag na a ti maipagarup a bomba ket agtarid, addaan ti pagruskasan ken nadagsen.
Patien na a ti bomba ket posible a nausar idi panawen ti World War II.
Nu pay kasta, inpakaamo ni Santos a nagtalinaed iti PNP-Laoag ti maipagarup a bomba para iti naan-anay a balidasyon ken pannakakumpirmar nu pudno a vintage bomb daytoy.
Immunan nga inbaga ti opisyal a saan a daytoy ti umuna a gundaway nga adda ti nabirokan a maipagarup a bomba dagiti residente iti Brgy. Zamboanga.
