LAOAG CITY – Naglikudan ni Barangay Kagawad Oliver Tagudin iti Brgy. 20 ditoy siudad ti Laoag nga adda ti nagiinum itay kallabes kas iti naidanun ditoy Bombo Radyo Laoag.
Segun kenni Tagudin, possible a namisinterpret laeng ti nagreklamo gapu ta adda ti lamisaan iti sango ti barangay hall a ditoy ti pakaitedan ti pass slip.
Kuna na a dagiti laeng botelya ti softdrinks ti adda iti nasao a lugar.
Mainaig iti daytoy, naglikudan pay ti kagawad ken dagiti uppat a barangay tanod a maitantantan ti pannakaiyisyu ti pass slip kadagiti agkalikagum.
Daytoy ket gapu ta isuda ti mangipapaay ti pass slip wenno agbanbantay iti barangay gapu ta nakaisolate dagiti opisyal ti barangay kalpasan a naexpose ti maysa ngaopisyal idinto a secondary contact dagiti dadduma.
Naamuan a ni laeng Tagudin ti saan a karaman a nakaisolate ngem nakaquarantine daytoy iti barangay.
