LAOAG CITY – Naglikodan ni Mrs. Belinda Sadian, OIC jail warden ti Ilocos Norte Provincial Jail nga adda ti naangay a padaya iti uneg ti pagbaludan.
Inlawlawag na nga nagpamakan laeng ti pamilya ti maysa a balud gapu iti panagturpos ti anak ti nabalud, ti nobya na ken sabsabali nga asideg iti pamilya ti maseknan.
Segun kenni Sadian, inrana da ti pamakan idi Miyekules nga aldaw met ti open dalaw.
Inbatad na a dagiti nakipangan ket dagiti mamayor iti pagbaludan, ken isuda nga agyan iti opisina.
Innayon ni Sadian nga awan ti nakita na a dakes ti pannakidanggay da iti pamakan gapu ta kiniddaw a mismo ti maseknan.
