LAOAG CITY – Inpetteng ni Senate President Vicente Sotto III a saan a mapalubosan ti aniaman a panangarestar iti uneg ti pasdek ti Senado.
Daytoy ti nagbalin a reaksion ni Sotto kalpasan nga inrakurak ni Ombudsman Boying Remulla a nangiruaren ti International Criminal Court (ICC) ti warrant of arrest kontra ken ni Senador Ronald dela Rosa.
Segun iti Senate President, ar-aramiden ti saan a panangipalubos kadagiti panangarestar tapno mapagtalinaed ti dignidad ti Senado.
Inbatadna a no bilang adda ti maiwayat a panangarestar iti asinoman a Senador iti ruar ti Senado ket saanen a sakup ti institusion.
