LAOAG CITY – Manamnama a maiprosesso ita a bigat ti maipila a reklamo kontra kadagiti natiliw a nagsusugal iti Brgy. 8 iti ili ti San Nicolas idi Huebes Santo.
Maipalagip a natiliw dagiti du a babbai ken uppat a lallaki gapu ti panaggaayam da iti tong-its.
Immunan nga inbatad ni Police Major Joseph Tayaban, hepe ti PNP San Nicolas a naaktuan iti likod ti maysa a pagtaengan ti panagay-ayam ti tong-its dagiti suspek.
Nakumpiskar ti dua a set ti baraha, dua a lamisaan ken nagduduma a denominasyon ti kwarta a nausar kas pusta.
