LAOAG CITY – Inrakurak ni Mrs. Elizabeth Rambaud iti Victoria, Australia, a nagkari ti gobyerno ti pagilian a maipaayan ti tulong dagiti residente a nagsardeng ti panagtrabaho na gapu ti coronavirus disease.
Kuna na a malaksid kadagiti nagsardeng ti trabaho ket maikkan pay ti tulong dagiti senior citizen ken dagiti disabled babaen ti panangidanun dagiti health care workers.
Segun kenni Rambaud, maikkan dagiti masekna ti grocery items ken dadduma pay tapno adda iti usaren ken kanen da bayat ti panagtalinaed iti uneg ti pagtaenganda.
Inbatad na a ti sitwasyon da ket saan da a kasapulan ti relief gapu ta agtultuloy met ti panagtrabaho da ken nasken a maikkan dagiti maseknan a naapektaran.
Innayon ni Rambaud nga adda latta ti panagamak da iti aglawlaw gapu ta saan da a kayat a maakaran ti nasao a virus.
