LAOAG CITY – Inadmitir ni Ms. Fermainne Antonio, mangisusuro ti Shamrock Elementary School ditoy ciudad ti Laoag nga ivid-video na ti ubing a maipagarp a dinangran na.
Ama, inreklamo na ti maysa a mangisursuro gapu ti maipagarop a panangdangran na iti anak na ditoy ciudad ti Laoag
Inlawlawag na a daytoy ket pangbutbuteng na tapno agtalna ti kinaluko ti ubing iti klase na kas ti ara-ramiden dagiti dadduma a mangisursuro.
Inbatad na nga awan ti aniaman a panagagem na iti daytoy gapu ta ibilang na a maysa nga estratehiya iti panang-video na iti ubing kas wagas ti pagdisiplina.
Kunana nga agpapan ita ket iyur-uray da ti ama ti ubing tapno makapagsasarita da.
Kabayatanna, inbaga ni Mr. Fermin Antonio Principal ti nasao a pagadalan, ama ti maestra a saan na kayat a mairamraman iti nasao nga isyu ket tapno saan da nga ibaga nga “vias” rason nga inpaima daytoy iti Guidance Office para iti pannakatratar na.
Mainaig iti daytoy, naamuan nga inpatuloden ti DepEd Division Office ti surat a nakaipalaunan ti reklamo ni Mr. Carlos Pascua, ama ti ubing iti Regional Office para iti naan-anay a disposisyon.
