LAOAG CITY – Maisagsaganan ti kaso a panagsalungasing iti RA 9165 kontra kadagiti dua a baro kalpasan a natiliw da iti naiyuswat a drug buy bust operation.
Maipalagip a natiliw da John Mark Ignacio y Ronquillo, agtatwen ti 18, estudyante ken residente iti Brgy. 1 ditoy ciudad ti Laoag ken ni Jayfred Bumanglag y Montero, agtawen ti 18, awanan ti asawa ken residente iti Brgy. 2, Laoag City.
Daytoy ket gapo ti panaglako da ti iligal a droga iti nagpammarang a gumatang ti droga.
Nakumpiskar manipud kadagiti dua ti maysa a sachet a naglaon ti maipagarop a napagango a bulong ti marijuana, 500 a pisos, maysa a sachet a naglaon ti maatap a marijuana ken dadduma pay.
Dimmalan met ti drug test dagiti maseknan idiay probinsya ti Ilocos Sur.
