LAOAG CITY – Maisagsagana ti maipila a reklamo mainaig ti panagsalungasing iti ordinansa ti Green Meadows Videoke Bar and restaurant ken dagiti kakadua dagiti menor de edad kalpasan a tiniliw dagiti kameng ti PNP San Nicolas.
Segun ti PNP, nagreport ti security guard ti nasao a pasdek negosyo a ni Jonathan dela Cruz, agtawen ti 25 a taga Brgy 29, iti ili a Paoay gapu ti panagprobokar ti grupo dagiti agtutubo.
Nakita dagiti otoridad ti babai a ni Danica Jones agtawen ti 22, awanan asawa ken residente ti Brgy. Tarrag iti ili a Pagudpud, nga agprob-probokar iti sango ti pasdek negosyo.
Kinemmeg dagiti otoridad daytoy, agraman dagiti kakadua na a da Zeus Chesar Bumanglag, agtawen ti 22, Lexter Barayuga agtawen ti 22, Edmundo Barangay, agtawen ti 15, Francis Pammit, agtawen ti 18, agpapada nga residente ti Brgy 49-B Laoag City; Spencer Marcelo, agtawen ti 20 taga Brgy 3. San Nicolas, Claudine Shaira Campos, agtawen ti 22, taga Brgy. 16 San Nicolas; kenni Troy Corpuz agtawen ti 15 taga Brgy. 1 iti nasao nga ili.
Nasalungsing ti linteg gapu ti panangpalubos ti pasdek negosyo a makastrek ken makainom ti nasanger dagiti menor de edad idinto a mapilaan pay dagiti kakadua dagiti menor de edad gapu iti panangitugot ken ti panangipalubos da nga uminom ti nasanger dagiti menor de edad iti nasao a bar.
