LAOAG CITY – Inbatad ni Agent Darnel Bacate, Provincial Officer ti PDEA ditoy Ilocos Norte nga adda latta dagiti mamonmonitor da a maiserserrek nga illegal a droga ditoy probinsya.
Kuna na a babaen ti tulong dagiti dadduma a reinforcement unit ket naisayangkat da ti nagsasaruno nga operasyon iti laeng napalabas nga aldaw.
Saan met a makumpirmaran pay ni Bacate no sadinno a lugar iti Region 2 ti naggapoan ti naiserrek a marijuana ditoy probinsya.
Inpakaammo na a mabalin a babaen kadagiti pribado a lugan ket maiserserrek dagiti illegal a droga ditoy probinsya.
