LAOAG CITY – Inlawlawag ni SFO2 Bonjo Aguinaldo, fire marshall iti Bureau of Fire Protection iti ili ti San Nicolas nga itulnog kuma ni Mr. Frederick Aguinaldo, ti maysa kadagiti anak na nga agad-adal iti Central Elementary School idi mapasamak ti pannakauram dagiti dua a lugan na.
Kuna ni Aguinaldo nga isurot koma ti Ama ti nairamraman a nauram nga anak na nga agtawen ti dua idi mapasamak ti uram.
Segun kenni Aguinaldo, nakalugan ti ubing iti sango ti nauram a lugan da a revo kabayatan a ti ama na ket bimmaba gapu ta inplastar na ti tulda kalpasan a napaandar na.
Inbatad na a gimmil-ayab ti nasao a lugan ken dagus a nagramram ti apoy rason a saan a nasalbar ti ama ti anak na.
Kabayatanna, inbunannag ni SFO2 Aguinaldo, a kalpasan ti palawag ni Mr. Aguinaldo a possible a ti nangrugyan ti uram ket ti “charger port” ti lugan.
Saan met nga agpakampante ti Fire Marshall iti palawag ti Ama rason nga itultuloy da ti naiget nga imbestigasyon.
Innayon ni Aguinaldo nga awan ti ammo ti ama a nangiranta iti pannakauram dagiti lugan gapu ta no agitulnog ket kanayon nga isurot na ti natay nga anak na.
