UPDATE– Naiget a naglikudan ni Elmar Aguete ti akusasyon kenkuana a nangitaray ti bag a naglaon ti nabalor a kagamitan idiay Barangay 15, P. Gomez St. ditoy ciudad ti Laoag.
Inlawlawag ni Aguete ditoy Bombo Radyo a napan na laeng intulod ti mangak-akusar kenkuana a ni Mr. Joel Patong Manuel, agtawen ti 43, naasawaan, maysa a contractor ken residente iti Barangay Poblacion 1 iti ili nga Adams ngem agnanaed iti Barangay 15 ditoy ciudad.
Kalpasan iti dayta, nakigtot laengen ni Aguete idi naipadanon kenkuana nga isuna iti maitudtudo a suspek iti napasamak a panagtatakaw.
Inbatad ni Aguete nga addan ti naggam-amwan da kenni Joel Manuel gaputa ta agpada da mammallut ken masansan a makita na daytoy iti paggalyeraan.
Gapu ti daytoy, nasaket ti nakem ni Aguete gaputa kanayon nga isuna iti atapen dagiti kabarangayan na nu adda iti mapaspasamak a panagtatakaw iti lugar da.
Kabayatana, inadmitir met ni Aguete nga addan ti dati a rekord na a kaso ti panagtatakaw, addan iti 7 a tawen iti napalabas ngem na-dismissed ti kaso na ken nagbalbaliwen.
Nupay kasta, patyen ni Aguete ng agswit-switik ni Joel gapu ta traysikel ti inusar na a panagipatulod kenkuana ken saanda a nagkalugan iti kurong -kurong.
Paset ti panagsarita ni Elmar Aguete residente iti Barangay 38-B, Mangato ditoy met laeng ciudad .
