LAOAG CITY – Naiget a naglikudan ti Department of Health (DOH) dagiti maiwarwaras a saan nga umno nga impormasion mainaig iti kinatalged ti bakuna.
Daytoy ket gapu dagiti post iti social media a maipagarup a saan a natalged wenno makapatay dagiti bakuna kontra iti kamuras.
Basar iti Health Department a ti panaggurigor wenno panagsakit iti paset ti natudokan ket gagangay a side effect ken temporario laeng.
Kabayatanna, pinasingkedan ti ahensia ti naun-uneg nga imbestigasion dagiti eksperto dagiti report ti nakaro a kasasaad ken inlawlawagda a saan nga otomatiko nga epekto ti bakuna dagitoy.
Kunada pay a dakdakkel latta ti risgo iti epekto nga itunda mismo ti sakit maidasig iti manmano ken seryoso a side effect ti bakuna.
