LAOAG CITY – Arig na nalag-anan ti rikna ni Major Roxanne Parado, fire marshall iti BFP Laoag kalpasan nga adda ti inparuk-at a resolusyon ti piskalya seknan iti pannakadismiss ti kaso nga inpila kenkuana da Senior Fire Office 1 Charlie Balanay Simisim ken Senior Fire Officer 1 Victor Apostol Caise.
Iti eksklusibo nga innuman ti Bombo Radyo kenni Parado, kuna na a maragsakan gapu ta napaneknekan met laeng nga awan ti basol na kadagiti nadakamat a kameng ti BFP.
Kuna na a kalpasan ti sumagmamano a bolan ket timpuar met laeng ti pudno gapu ta awan ti nakita a probable cause ti piskalya seknan iti alegasyon da Caise kenni Simisim kontra kenkuana.
Maipalagip nga immunan a naireklamo ti fire marshall babaen kadagiti nadakamat a kameng ti BFP gapu iti maipagarup a pannakadangran da kabayatan ti pannakasita da nga agin-inom ti nasanger iti mismo nga uneg ti opisina da.
Kabayatanna, innayun ni Parado nga agpapan ita ket awan met pay ti desisyon seknan iti inpila na a kaso administratibo kontra kenni Caise kenni Simisim.
