LAOAG CITY – Makaalarma ti agsasaruno a bomb threat a maaw-awat kadagiti pagadalan ditoy probinsia.
Segun kenni Mayor James Bryan Alcid, kitkitaen ti lokal a gobierno ditoy ciudad no kasano a ma-minimize iti kastoy a mapaspasamak kadagiti pagadalan.
Inpakaammo na a ti lokal a gobierno ken Department of Education – Laoag City ket addaan iti komunikasyon pakaseknan iti daytoy a banag.
Kunana nga addan to ti maangay a panagtataripnong da iti City Disaster Risk Reduction and Management Office no kasano nga ire-assess ti pannakaimplementar ti seguridad dagiti empleado iti lokal a gobierno no bilang man maakawat da iti bomb threat.
Mainaig iti daytoy, kuna ni Alcid a kasapolan ti alisto a panagsagana gapu ta saan a paglulukoan daytoy.
Kabayatanna, mangkitkita ti lokal a gobierno babaen iti konseho ditoy ciudad ti wagas tapno maprebentaran iti kakastoy a mapaspasamak.
Maipalagip a nagsasaruno a bomb threat ti naawat dagiti padagadalan ditoy probinsia kangrunananan iti MMSU, Data College of Laoag ken Northwestern University.
