LAOAG CITY – Inpakaammo ni Police Lt. Col. Amador Quiocho, hepe ti PNP Laoag a makaammo dagiti opisyal ti barangay a mangidesignar kadagiti lugar a mabalin a pagpaputokan iti paputok ken pangsindiyan kadagiti “pyrotechnics” iti panangsarabu ti baro a tawen.
Daytoy ket kalpasan a napagnunumuan ti PNP, DILG, CDRRMO ken ti BFP iti naangay a taripnong dagitoy.
Kuna na a nasken nga adayu iti balbalay tapno maliklikan ti dakes a mapasamak kas koma iti uram.
Segun kenni Quiocho, makaammo dagiti opisyal ken residente a mangkita iti kinatalged da bayat ti panangsarabo da ti baro a tawen nangruna dagiti barangay nga asideg iti sentro ti siudad.
Kageddan iti panangpalagip ni Quiocho iti panagusar ti alternatibo a pangparnuay ti ringgor kas iti kalobv ti kaldero, torotot ken dadduma pay bayat ti baro a tawen.
