LAOAG CITY – Nagballaag ti Environmental group Ecowaste Coalition iti publiko kontra iti panagusar kadagiti namaris a tumblers a addaan ti nangato a lead content.
Inbatad ni EcoWaste Coalition National Coordinator Aileen Lucero, basar iti obserbasionda no pinturado ket masansan nga addaan daytoy ti lead.
Idi 2017, maipawil ti lead kadagiti pintura iti balay ditoy Pilipinas gapu ta narisgo daytoy iti salun-at.
Kinokolektar ken tingtingitingen ti Ecowaste ti 30 nga imported a tumbler ken dadduma pay a reusable a bote ken kagudua kadagitoy ket bimmagsak.
Naammoan a dagiti namaris a tasa ket naduktalan nga addaan ti lead content a 100,000 parts per million.
Basar iti panagsukisok, kaadduan kadagiti agus-usar ket dagiti agtutubo gapu iti napintas a kulay ken diseniona.
Kabayatanna, segun iti Department of Health (DOH)- Disease Prevention and Control Bureau, gapu ta ti lead ket maysa a neurotoxin no sadinno nga apektaranna ti utek nga adda ti nabayag nga exposure-na.
