LAOAG CITY – Inbatad ni Barangay Kagawad Manny Morales iti Brgy. 1 ditoy siudad ti Laoag a dakkel a pagyamanan ti barangay ti pannakaisubli ti operasyon ti cockpit arena.
Kuna na a daytoy ket gapu ta adda ti mabalin a sumrek iti kaban ti barangay babaen iti amusement and gaming tax, banag a napukaw sipud naipasardeng ti operasyon ti galyera.
Innayun na a dakkel pay a makatulong daytoy kadagiti operators ti discolandia iti nasao met laeng a barangay ken gapu ta dagitoy ti maysa a kangrunaan a naapektaran ti pandemiya.
Mainaig iti daytoy, inbatad ni Morales a ti nasao a desisyon ti konseho ket isu met ti isagaan ti barangay kangrunaan iti maipaay a seguridad gapu ta manamnama nga adda ti panagado ti tao.
