LAOAG CITY – Nakagun-od ti world record ti maysa nga agtawen iti 26 a makeup artist iti Sierra Leone kalpasan a nangiyuswat ti makeover marathon.
Kinumpirmaran ti records keeping organization a Guinness World Records a ni Mary Yongai ti baro a record holder ti titulo a “Most Cosmetic Makeovers in 24 hours by One Artist.”
Daytoy ket kalpasan a nakaipaay isuna ti makeover kadagiti 111 nga indibidual iti uneg ti maysa nga aldaw.
Naammoan a tapno bigbigen ti Guinness ti record attempt-na, masapol a ti makeover iti tunggal tao ket kumpleto ti concealer, foundation, blush wenno bronzer ken at least two colours of eye shadow, eye liner, mascara, lipstick wenno lip gloss, lip liner ken pressed wenno loose powder.
Inbatad ni Mary a nagsanay isuna babaen iti panang-make up-na kadagiti kakabsat ken papagayamna iti ababa a panawen.
Kunana nga inaramidna daytoy tapno agtultuloy ti pananghilig ken passion dagiti padana a babbai iti biagda.
