LAOAG CITY – Mangipatungpal dagiti dadduma nga opisina ti gobierno iti sumagmamano a probinsia ti alternative work arrangements, inton bigat Setiembre 1 kageddan ti agtultuloy a napigsa a tudo gapu iti Southwest Monsoon.
Iti babaen ti Memorandum Circular No. 113, a pinirmaan ni Executive Secretary Raph Rector, iti bilin ni Presidente Ferdinand Marcos Jr., iti rekomendasion payen ti National Disaster Risk Reduction and Management Council (NDRRMC) a pakairamanan dagitoy dagiti lugar ti Ilocos Norte, Ilocos Sur, La Union, Pangasinan, Abra, Benguet, Kalinga, Mountain Province, Apayao, Batanes, Nueva Vizcaya, Zambales, Tarlac, Pampanga, ken Bataan.
Agtultuloy met ti operasion kadagiti kasapulan a serbisio a pakairamanan iti pannakaipaay dagiti kangrunaan ken serbisio ti salun-at, panagsagana ken panagsungbat iti didigra, ken dadduma pay a nasken a serbisio.
Mainaig iti daytoy, dagiti addaan ti Contract of Service (COS) ken Job Order (JO) a naikabil iti babaen dagiti alternative work arrangements ket agtultuloy nga umawat iti bukodda a tangdan wenno matgedan.
Kabayatanna, naibilin met kadagiti publiko ken pribado a pagadalan nga apektado a lugar a mangipatungpal kadagiti alternative learning modes ken learning continuity measures.
