LAOAG CITY – Naglikudan ti Malacañang ti agwarwaras manen a damag a naitaray ni President Ferdinand “Bongbong” Marcos Jr. iti ospital.
Inpasingked ni Presidential Communications Office Undersecretary Claire Castro a nasalun-at ken nakatutuk iti trabaho na ti presidente no sadinno nga uray iti rabii ket agtrabtrabaho.
Basar iti agwarwaras a report, naitaray manen ti presidente iti St. Luke’s Medical Center idiay Quezon City, ngem inpetteng ni Castro nga adda ti private meeting ni Marcos kadwa na ti Presidential Management Staff iti oras a maibagbaga a naopsital.
Immunan a naipadamag a na-diagnosed ti presidente iti sakit a diverticulitis, ngem inpasigurado na a nasayaaten ti kondisyon na, ken ti nagwaras a medical certificate ni Marcos ket peke.
Uray ti St. Luke’s Medical Center ket pinasingkedan na ti dokumento mainaig iti nakaipalaunan ti sakit ni Presidente Marcos ket peke ken falsified.
Kabayatanna, ginutigot ti Palasyo ti National Bureau of Investigation (NBI) nga imbestigaren da a naimbag dagiti tattao nga agiwarwaras tip eke a dokumento.
