LAOAG CITY – Sinungbatan ti Malacañang iti nakapsot a panagpasungbat ni Pres. Ferdinand Marcos Jr. kadagiti karaman iti flood control anomalies.
Daytoy ket kagiddan ti rakurak ni Bangko Sentral ng Pilipinas (BSP) Governor Eli Remolona a mabalin a mairaman manen ti Pilipinas iti Financial Action Task Force (FATF) grey list.
Inbatad ni Remolona a napateg nga ipakita iti Financial Action Task Force nga adda ti addang ti Pilipinas tapno labanan ti money laundering pakairamanan dagiti karaman iti flood control project anomalies.
Kuna met ni Communications Undersecretary Claire Castro a nasapa unay a babalawen ken ibaga a napaay ti Presidente.
Naikkaten ti pagilian iti grey list ken saan nga agsarsardeng ti Presidente iti panangimbestigar kadagiti karaman iti anomalya iti flood control project.
Kasapulan pay ti tulong ti Anti Money Laundering Council (AMLC) ken saan laeng ti investigating body ti mangiwayat ti alisto nga imbestigasion.
