Malakanyang, binalakadan na ni Atty. Harry Roque nga unaen na nga isalakan ti bagina sakbay iti sabali

LAOAG CITY – Saan a makibiang ti Malakanyang iti panagkiddaw ti asylum ni Atty. Harry Roque iti The Netherlands.

Segun ken ni Palace Press Officer Claire Castro, agtignay laengen ti Palasyo no addan ti naipila a kaso ken no addan ti warrant of arrest kontra ken ni Roque.

Immunan nga inrakurak ti Palasyo nga agdudua no maikkan a dagus ti asylum si Roque gapu iti pammati da a marigatan a mangpaneknek nga adda ti political persecution kontra kenkuana iti Pilipinas.

Kabayatanna, binalakadan ti Malacañang ni Roque nga unaen na paylaeng nga ikalintegan ti bagina sakbay iti sabali a tao.