LAOAG CITY – Nasapa ken saan pay a panawen tapno agkomento ti Malakanyang seknan iti posibilidad a panagpaidasig ni Vice President Sara Duterte iti 2028 presidential elections.
Daytoy ti inpetteng ni Executive Secretary Lucas Bersamin iti maysa nga ambush interview iti naiyuswat a media launch ti Department of Budget and Management (DBM) iti Open Government Partnership Asia and the Pacific Regional Meeting 2025 iti Department of Budget and Management Central Office.
Immunan a kinumpirmaran ni Vice President Sara a seryoso nga ikonkonsiderar na ti panagpaidasig na a para presidente intono 2028 national elections.
Inaramid daytoy ti bise presidente kalpasan a sinaludsud ti maysa nga Overseas Filipino Worker iti Japan seknan iti posibilidad a panagpaisadig na intono 2028 elections.
Maipalagip a nagturong ni Vice President Duterte idiay Japan para iti maysa a private trip iti kallabes.
