LAOAG CITY -Inbasura ti Malakanyang ti plano nga impeachment case kontra ken ni Presidente Ferdinand “Bongbong” Marcos Jr., ken inladawan da ti addang kas “political maneuvering.”
Inbatad ni Palace Press Officer Claire Castro a nakita dan ti rakurak ti maysa nga agpanpanday linteg no sadinno nga adda dagiti rakurak nga awan ti pagibasaran na ken maipagarop nga aggapo kadagiti supporters ti maysa a partikular a pulitiko.
Inpetteng ni Castro a nagtalinaed a nakatutuk ni Presidente Marcos iti panangidaulo ken panangipaay ti resulta na para kadagiti Pilipino.
Reaksyon daytoy ti malakanyang kalpasan ti immunan a nagbalin a rakurak ni House Senior Deputy Minority Leader ken Caloocan 2nd District Representative Edgar Erice a possible a sumango ni President Marcos ti impeachment complaint.
Basar kadagiti reports, inbatad ni Erice nga adda dagiti indibidual nga immasideg kenkuana tapno iyendorsar ti impeachment complaint kontra ken ni Presidente Marcos.
Nupay kasta, inpaganetget ti malakanyang a mamati ti presidente nga aniaman nga addang a trataren ti kongreso ket maibasar iti kinapudno ken paglintegan.
