LAOAG CITY – Inpasigurado ti Malakanyang a naig-iget dagiti kondisyon iti pannakaiparuk-at ti pondo ita a tawen.
Segun ken ni Executive Sec. Lucas Bersamin, daytoy ket tapno masigurado a ti panangbusbos ti pondo ket maiyataday kadagiti prayoridad ti gobierno ken tapno maprotehiran manipo iti partisan interests.
Kuna ni Bersamin nga agbalin a transparent ti pannakaiparuk-at dagiti pondo kas maiyataday iti maipatpatungpal a linteg ken dagiti pagannurutan para iti naurnus a panangiwanwan.
Bigbigbigen ti gobierno a ti panangpondo iti budget ket bakbaklayen ti umili isut gapuna a rumbeng laeng a makita dagitoy a sakripisyo iti implementasyon.
Inpalagip manen ni Bersamin a direkta nga in-veto ni Presidente Marcos ti kadakkelan a paset ti appropriations ti pakasaritaan, banag nga awan pay ti nakaaramid a presidente.
